पाल्पा । प्रभु बैंकले विद्यार्थीलाई न्यानो ज्याकेट वितरण गरेको छ । बैंकले रिब्दीकोट गाउँपालिका–७ मैनादीको प्रभात माध्यमिक विद्यालयका २०० विद्यार्थीलाई ज्याकेट वितरण गरेको हो ।
बैंकले आफ्ना ग्राहकलाई गुणस्तरीय बैंकिङ सेवा उपलब्ध गराउनुका अतिरिक्त सामाजिक उत्तरदायित्व अन्तर्गत विभिन्न सहयोग गर्दै आएको प्रभु बैंकका प्रदेश प्रमुख प्रादेशिक व्यापार अधिकृत सुनिल रानाले बताउनुभयो ।
प्रभात माविका विद्यालय व्यवस्थापन समिति अध्यक्ष डुलबहादुर कुँवरले ज्याकेट प्राप्त गरेपछि विद्यार्थीले जाडोमा पनि कष्टका साथ अध्ययन गर्न आउनुपर्ने बाध्यतामा कमी आउने बताउनुभयो ।
प्रभु बैंकका पाल्पा शाखा प्रवन्धक गणेश कंडेलले संस्थागत सामाजिक उत्तरदायित्व पूरा गर्न गरिब तथा जेहेन्दार विद्यार्थीलाई न्यानो कपडा वितरण गरिएको उल्लेख गर्नुभयो ।
२०७६ माघ १४ गते प्रकाशित
वि.सं.२०७६ माघ १४ मंगलवार ०७:२५ मा प्रकाशित