काठमाडौं। विभिन्न बैङ्कको वित्तिय अवस्था यतीबेला नाजुक भएको विभिन्न रिपोर्टहरु सार्वजनिक भईरहेका छन् । पछिल्लो समयमा तरलता अभाव संगै बैङ्कहरु कर्जा प्रवाह थर्न नसक्ने अवस्थामा पुगेका छन् ।
पुजीँ बजारमा रहेको तलरता अभाव समाधान गर्नको लागि नेपाल राष्ट्र बैङ्कले विभिन्न चरणमा अर्बौ रकम बजारमा पठाईसकेको छ । तर बैङ्कहरु अझै कर्जा प्रवाह गर्नसक्ने अवस्थामा छैनन भन्ने कुरा धेरै बैङ्कको वित्तिय विवरणले देखाएको छ ।
यही समयमा प्राइम बैङ्कको अवस्था कस्तो छ त ? लगानीकर्तारुको कौतुहलतालाई मेट्नको लागि हामीले प्राइम बैङ्कको वित्तिय विवरणको बारेमा जानकारी दिन खोजेका छौ ।
प्राइम कमर्सियल बैंकले चालु आर्थिक वर्षको ६ महिनामा ७१ करोड ५१ लाख रुपैयाँ नाफा गरेको छ। बैंकले गत वर्षको यही अवधिमा ५५ करोड ९७ लाख रुपैयाँ नाफा गरेको थियो। बैंकको चुक्त पूँजी ८ अर्ब ३ करोड रुपैयाँ छ भने जगेडा कोषमा २ अर्ब ११ करोड रुपैयाँ जम्मा भएको छ।
बैंकले ५ महिनामा एक अर्ब ४ करोड रुपैयाँ खुद ब्याज आम्दानी गरेको छ। बैंकले ७१ अर्ब ६ करोड रुपैयाँ निक्षेप संकलन गरी ६२ अर्ब ६० करोड रुपैयाँ ऋण लगानी गरेको छ। बैंकले गत वर्षको यही अवधिमा भने ५५ अर्ब रुपैयाँ निक्षेप संकलन गरी ४६ अर्ब रुपैयाँ ऋण लगानी गरेको थियो।
बैंकको पूँजी कोष अनुपात १२.७६ प्रतिशत छ भने खराब कर्जा १.४३ प्रतिशत छ। त्यस्तै प्रतिशेयर आम्दानी १७ रुपैयाँ छ। बैंकको आधार व्याज दर यही अवधिको एक आर्थिक वर्षमा ७.३० प्रतिशतबाट बढेर १०.७६ प्रतिशत पुगेको छ।
२०७४ माघ १६ गते प्रकाशित
वि.सं.२०७४ माघ १६ मंगलवार १०:५२ मा प्रकाशित