पोखरा । प्याराग्लाइडिङको विश्वब्यापी संस्था फेडेरेसन अफ एरोनेटिक इन्टरनेसनलको वार्षिक क्यालेन्डर बमोजिम यही फेब्रोअरी ५ देखि फेब्रोअरी ९ सम्म पोखराको साराङ्कोटमा एसिएन कन्टिनेन्टल प्याराग्लाइण्डिङ टुर हुने भएको छ ।
नेपाल एअर स्पोर्ट्स एसोसिएन नेपाल प्याराग्लाइडिङ पाइलट क्लव र नेपाल हेनग्लाइण्डिङ तथा प्याराग्लाइडिङ संघको संयुक्त आयोजना र एसिएन कन्टिनेन्टल प्याराग्लाइडिङ एसोसिएन को प्राबिधिक सहयोगमा प्रतियोगिता हुन लागेको हो ।
प्रतियोगिताको पूर्व सन्ध्यामा पोखरामा आयोजित पत्रकार सम्मेलनमा एसियाका नेपाल सहित २२ राष्ट्रका १५० खेलाडीले सहभागिता जनाउने र एफ ए आइको मापदण्ड पुरा गरेका अन्य खेलाडीले समेत भागलिन पाउने आयोजक संस्था नेपाल एअर स्पोर्ट्स एसोसिएनका अध्यक्ष एवं पाइलट योगेश भट्टराइले जानकारी दिए ।
प्याराग्लाइडिङ खेल साहसिक भएको र त्यो संगै सुरक्षाको हिसाबले अत्यन्तै चनाखो भएर प्रतियोगिता संचालन गर्नुपर्ने हुँदा सबै सुरक्षा निकाय, रेस्क्यु टिम, हेलिकप्टर र एम्बुलेन्स प्रतियोगिता अवधिभर तयारी अवस्थामा रहने आयोजकले जनाएको छ ।
५ दिनसम्म चल्ने प्रतियोगितामा एफएआइको जुरी कमिटीले ५ वोटा छुट्टाछुट्टै टास्क दिने छ र पाँचै दिनको टास्क सबै भन्दा छिटो पुरागर्ने खेलाडीले प्रतियोगिताको उपाधि पाउनेछन । साथै उत्कृस्ट पाइलटको एफएआइको र्यांकिंगमा नम्बर समेत बढ्ने छ ।
ओभरल च्यम्पिएन, स्पोर्ट्स क्याटेगोरी र उमन्स क्याटेगोरीमा उत्कृस्ट खेलाडी छानिनेछ भने आयोजकको पहलमा नेपाल च्यम्पिएन र टिम च्याम्पियन छानिने छ ।
अफएआइ क्याटोगरि टु अन्तर्गत एस अघि १७ पटक नेपाल ओपन प्याराग्लाइडिङ च्यम्पिएनशिप आयोजना भैसकेको छ भने २ पटक प्याराग्लाइडिङको प्रि वर्ल्डकप संचालन भैसकेको छ ।
यो प्रतियोगिता राम्रोसंग सम्पन्न भएमा अर्को वर्ष वर्ल्डकप आयोजना गर्न थप बल मिल्ने प्रतियोगिताका संयोजक र्इन्द्रप्रसाद भण्डारीले जानकारी दिए ।
प्रतियोगिताको पूर्वसन्ध्यामा फेब्रुअरी ४ तारिखमा पोखराको हल्लन चोकदेखि अम्बोटसम्म संस्कृतिक झाँकी सहित प्रतियोगी खेलाडीले आफ्नो देशको झन्डा सहित मार्चपास गर्ने छन् ।
२०७४ माघ १९ गते प्रकाशित
वि.सं.२०७४ माघ १९ शुक्रवार २२:१२ मा प्रकाशित
