मकवानपुर । ग्रामीण पर्यटन प्रबद्र्धन मञ्च (भिटोफ) ग्रामिण पर्यटन प्रबद्र्धनको लागि पर्यटन व्यवसायी र पत्रकारहरुको टोलीको नेतृत्व गर्दै मकवानपुरको पर्यटकीय गाउँ कुन्छाल पुगेको छ ।
पर्यटन बोर्डसँगको सहकार्यमा ग्रामीण पर्यटन प्रवद्र्धनको लागि क्रियाशील भिटोफको टोली ५ र ६ फागुनका लागि थाहा नगरपालिकाको कुन्छाल पुगेको हो ।
अध्ययन अवलोकन भ्रमणको लागि कुन्छालमा अहिले पर्यटन बोर्डका प्रतिनिधि, पर्यटकीय संघसंस्था टानका अध्यक्ष नवराज दाहाल, भिटोफका पूर्व अध्यक्ष शिव लामिछानेलगायत पर्यटन व्यवसायी र पत्रकारहरु सहितको टोली रहेको भिटोफका अध्यक्ष कमल सापकोटाले जानकारी दिए ।
एक रात दुई दिनको अवलोकन भ्रमणले पर्यटक, पर्यटन व्यवसायी र गाउँलाई जोड्ने पुलको रुपमा काम गर्ने सापकोटाले बताए ।
न्तर्राष्ट्रिय पर्यटन दिवसको दिन भिटोफ नेपालले पर्यटन बोर्डसँगको सहकार्यमा देशभरीको तीन गाउँलाई नमूना गाउँको रुपमा छनौट गर्दै पर्यटन प्रबद्र्धन गर्ने निर्णय गरेको थियो । गोपाली समुदायको बसोबास रहेको कुन्छाल गाउँ थाहा अभियानसँग पनि जोडिएको छ ।
प्राकृतिक दृश्यावलोकन, कृषि पर्यटन, स्थानीय खाना र संस्कृतिका लागि उपयुक्त रहेको कुन्छाल गाउँ काठमाडौंबाट तीन घन्टा ड्राइभमा पुग्न सकिन्छ । गोपाली समुदायले तानबाट कपडा बुन्ने प्राचीन परम्परालाई जीवितै राखिरहेका छन् ।
२०७४ फागुन ५ गते प्रकाशित
वि.सं.२०७४ फागुन ५ शनिवार २१:१७ मा प्रकाशित
