रुपन्देही । त्रिभुवन अन्तर्राष्ट्रिय विमानस्थलबाट भैरहवाका लागि उडेको यति एयरलाइन्सको बिमान दुर्घटनाबाट जोगिएको छ ।
९ एनएजेसी कसिाइन रहेको बिमान भैरहवास्थित गौतमवुद्ध विमानस्थलमा अवतरणका क्रममा दुर्घटनाबाट जोगिएको हो ।
आइतबार दिउँसो अवतरणको क्रममा उक्त विमानको चक्का लक भएपछि जहाज धावनमार्गको बीचमा रोकिएको थियो ।
विमान दुर्घटना लगत्तै अहिले विमानस्थल बन्द भएको छ । विमानमा रहेका २६ यात्रु र चालक दलका सदस्य भने सकुशल छन् । जहाज रनवेमै अड्किएको छ भने जहाजमा आएका यात्रु भने गन्तव्यतर्फ गइसकेका छन् ।
यतिको जहाज धावनमार्गबाट नहटेसम्म गौतम वुद्ध विमानस्थलमा उडान अवतरण हुन नसक्ने विमानस्थल कार्यालयले जनाएको छ ।
२०७४ चैत ४ गते प्रकाशित
वि.सं.२०७४ चैत ४ आइतवार १८:५० मा प्रकाशित