काठमाडौं । प्राइम लाइफ इन्स्योरेन्सको बुधबार सम्पन्न ११ औं वार्षिक साधारणसभाले आर्थिक वर्ष २०७३ ७४ को नाफाबाट सेयरधनीलाई १२ दशमलव ५ प्रतिशत बोनस सेयर वितरण गर्ने प्रस्ताव पारित गरेको छ । इन्स्योरेन्सले १६० प्रतिशत हकप्रद पश्चात कायम हुने चुक्ता पूँजीमा १९ करोड ८३ लाख रुपैयाँ बराबरको बोनस सेयर वितरण गर्ने प्रस्ताव पारित गरेको हो ।
हकप्रद पश्चात एक अर्ब ५८ करोड ६५ लाख रुपैयाँ चूक्ता पूँजी पुगेको प्राइम लाइफको बोनस पश्चात एक अर्ब ७८ करोड ४८ लाख रुपैयाँ पुगेको छ । साथै बोनसमा लाग्ने कर प्रयोजनका लागि कम्पनीले ९८ लाख ९४ हजार १०३ रुपैयाँ नगद लभांश वितरणको प्रस्ताव समेत पारित गरेको छ । हाल १२५ भन्दा बढी स्थानहरुबाट जीवन बीमा सेवा उपलब्ध गराई रहेको इन्स्योरेन्सले त्यसलाई बढाएर १३५ पुर्याउने भएको छ ।
२०७४ चैत १६ गते प्रकाशित
वि.सं.२०७४ चैत १६ शुक्रवार ०९:५५ मा प्रकाशित