काठमाडौं । रसुवागढीले निष्काशन गरेको एक करोड ३३ लाख ४२ हजार ९५ कित्ता साधारण सेयर स्मार्ट क्याफे धुम्बाराहीमा आइतबार बाँडफाँड गरिएको छ । आईपिओमा ५० देखि ७० कित्तासम्म सेयर माग गरेका सञ्चयकोषका सञ्चयकर्ताले माग अनुसार नै सेयर प्राप्त गरेका छन् । ८० कित्तादेखि ५०० कित्तासम्म माग गर्ने लगानीकर्तामध्ये ६८ हजार १८ जनाले ८० कित्ता तथा पाँच जनाले ७१ कित्ता सेयर प्राप्त गरेका छन् ।
पहिलो चरणमा कर्मचारी सञ्चयकोषका सञ्चयकर्ताका लागि निष्काशन गरिएको सो सेयरमा एक लाख ८८ हजार ९६३ आवेदकले ५.०२ गुणा बढी ६ करोड ६९ लाख ६६ हजार २६ कित्ता सेयर माग गरेका थिए ।
आवेदन गरेका कूल आवेदकमध्ये एक हजार ८५ आवेदकको तीन लाख १३ हजार ६५६ कित्ता सेयरको माग आवेदनमा देखिएको त्रुटीका कारण रद्ध भएको छ । एक लाख ८७ हजार ८७८ जना आवेदकको ६ करोड ६६ लाख ५२ हजार ३७० कित्ता सेयर सदर भएको थियो ।
५० कित्ता सेयर माग गर्ने २४ हजार १८८ जनालाई ५० कित्ताको दरले १२ लाख ९ हजार ४०० कित्ता सेयर बाँडफाँड गरिएको छ । त्यस्तै ६० कित्ता सेयर माग गरेका ५७९ जना आवेदकलाई ६० कित्ताको दरले ३४ हजार ७४० कित्ता सेयर बाँडफाँड गरिएको छ ।
७० कित्तादेखि ५०० कित्तासम्म सेयर माग गर्ने एक लाख ६३ हजार १११ जना आवेदकलाई ७० कित्ताको दरले एक करोड १४ लाख १७ हजार ७७० कित्ता सेयर वितरण गरिएको छ । ७० कित्तासम्म सेयर माग गरेका सबै आवेदकले माग अनुसारको नै सेयर प्राप्त गरेका छन् ।
यसरी बाँडफाँड गरेर बाँकी रहेको ६ लाख ८० हजार १८५ कित्ता सेयर ८० कित्तादेखि ५०० कित्तासम्म आवेदन गर्ने एक लाख ६२ हजार ६३९ जनामध्ये गोलाप्रथाबाट ६८ हजार १८ जनाले थप १० कित्ता गरि ८० कित्ता सेयर बाँडफाँड गरिएको छ । बाँडफाँड गरेर बाँकी रहेको पाँच कित्ता सेयर ९४ हजार ६२१ जनालाई गोलाप्रथामा सहभागिता गराएर एक कित्ताका दरले पाँच जनालाई वितरण गरिएको हो ।
२०७४ चैत १८ गते प्रकाशित
वि.सं.२०७४ चैत १८ आइतवार १६:०३ मा प्रकाशित