काठमाडौं । सिद्धार्थ बैंकको १० प्रतिशत हकप्रद सेयर बाँडफाँट भएको छ । सिद्धार्थले ६८ लाख २६ हजार ११७.१९ कित्ता सेयर बिक्री खुला गरेकोमा ६६ लाख ११ हजार ५१७ कित्ताका लागि मात्र आवेदन परेको हो । अझै २ लाख १४ हजार ६००.१९ कित्ता हकप्रद बिक्री हुन सकेको छैन । बिक्न बाँकी हकप्रद सेयर सिद्धार्थले अब लिलामीमा ल्याउनेछ ।
बैंकले फागुन २ गतेदेखि चैत ६ गतेसम्म ६८ लाख २६ हजार ११७.१९ कित्ता हकप्रद सेयर बिक्री खुला गरेको थियो । हाल सिद्धार्थको चुक्ता पुँजी ८ अर्ब १ करोड २१ लाख ७१ हजार रुपैयाँ छ । बाँकी रहेको सेयर लिलामी बिक्रीपछि चुक्ता पुँजी ८ अर्ब ४६ करोड ४३ लाख ८५ हजार २७२ रुपैयाँ पुग्नेछ ।
बैंकले चालु आर्थिक वर्षको तेस्रो त्रैमासमा १ अर्ब २२ करोड ५१ लाख ९३ हजार खुद नाफा कमाएको छ । नाफा गत वर्ष भन्दा २८.०२ प्रतिशत धेरै हो । प्रतिसेयर आम्दानी २० रुपैयाँ २२ पैसा रहेको यस बैंकको प्रतिसेयर नेटवर्थ १४४ रुपैयाँ ९५ पैसा छ ।
२०७५ बैशाख १४ गते प्रकाशित
वि.सं.२०७५ वैशाख १४ शुक्रवार २०:१४ मा प्रकाशित
