काठमाडौं । सूर्या लाइफ इन्स्योरेन्स कम्पनीले बैशाख ३१ गते देखि १० बराबर ४ को अनुपातमा हकप्रद सेयरको बिक्री खुला गर्ने भएको छ । कम्पनीले एक सय अंकित मूल्यका २८ लाख ८७ हजार ५०० कित्ता हकप्रद शेयर निष्कासन गर्न लागेको हो ।
बैशाख ४ गतेसम्म नेप्सेमा कारोबार भई कायम साविक शेयरधनीहरुले उक्त हकप्रदमा बैशाख ३१ गते देखि असार ३ गतेसम्म आवेदन दिन सक्नेछन । इन्स्योरेन्सले हकप्रद प्रयोजनका लागि बैशाख ५ गते सेयरधनी किताब बन्द गरेको थियो ।
शेयरधनीहरुले विक्री प्रबन्धकका साथमा सूर्या लाइफको सम्पूर्ण शाखा कार्यालय र आस्वा प्रणालीमा सहभागी बैंक तथा वित्तीय संस्था र तिनका शाखा कार्यालयबाट आवेदन दिन सक्नेछन् । कम्पनीको बिक्री प्रबन्धक एनआईसि एशिया क्यापिटल लिमिटेड रहेको छ ।
हाल कम्पनीको चुक्ता पूँजी ७२ करोड १८ लाख ७५ हजार रुपैयाँ हेको छ । हकप्रद निष्कासन तथा बाँडफाँड पश्चात कम्पनीको चुक्ता पूँजी एक अर्ब एक करोड ६ लाख २५ हजार रुपैयाँ पुग्नेछ
२०७५ बैशाख १६ गते प्रकाशित
वि.सं.२०७५ वैशाख १६ आइतवार ११:३२ मा प्रकाशित