काठमाडौं । देवः विकास बैंकको ४० प्रतिशत हकप्रद भर्ने आज आइतबार अन्तिम दिन हो । बैंकले चैत २६ गतेदेखि ६५ लाख ३३ हजार १०८.५९ कित्ता हकप्रद सेयर बिक्री खुला गरेको हो । फागुन १६ गतेसम्म कायम सेयरधनीले यो हकप्रद भर्न सक्नेछन् । हाल देवः को चुक्ता पुँजी १ अर्ब ६३ करोड ३२ लाख ७७ हजार १४८ रुपैयाँ छ । राष्ट्र बैंकले राष्ट्रिय स्तरका विकास बैंकलाई २ अर्ब ५० करोड रुपैयाँ चुक्ता पुँजी पुर्याउन निर्देशन दिएको छ । यही पुँजी पुर्याउन देवःले हकप्रद बिक्री खुला गरेको हो ।
लगानीकर्ताले बिक्री प्रबन्धक एनआइबीएल एस क्यापिटल लाजिम्पाट काठमाडौं सहित लगनखेल र पोखरा शाखा कार्यालयबाट पनि आवेदन दिन सक्नेछन् । यसैगरी, देवः विकास बैंकको अधिकांश शाखा कार्यालयबाट पनि हकप्रद भर्न पाइनेछ । आस्वा सदस्य बैंक तथा वित्तीय संस्थाबाट पनि आवेदन दिन मिल्नेछ ।
हकप्रद बिक्रीपछि चुक्ता पुँजी २ अर्ब २८ करोड ६५ लाख ८८ हजार रुपैयाँ पुग्नेछ । बैंकले चालु आर्थिक वर्षको तेस्रो त्रैमासमा २० करोड २३ लाख ६६ हजार रुपैयाँ खुद नाफा कमाएको छ । प्रतिसेयर आम्दानी १६ रुपैयाँ ५२ पैसा रहेको देवःको प्रतिसेयर नेटवर्थ भने १४० रुपैयाँ ५७ पैसा छ ।
२०७५ बैशाख ३० गते प्रकाशित
वि.सं.२०७५ वैशाख ३० आइतवार ०९:१३ मा प्रकाशित
