काठमाण्डौं ,। शिव बहादुर खड्काको जाहेरीले वादी नेपाल सरकार प्रतिबादी राजु तथा भरत भन्ने माईला लामा समेत भएको अपहरण मुद्दाका फरार प्रतिबादी पक्राउ परेको छ । ब्यूरोको टोलिले २०७५ असोज ४ गते बेलुकी ६ ः ३० को समयमा लुकिछिपी बसेको अवस्थामा माकलबारी, काठमाण्डौंबाट पक्राउ गरेको हो ।
सम्मानित पुनरावेदन अदालत पाटनको २०७० बैशाख ३१ गतेको फैसलाले साविक जिल्ला सिन्धुपाल्चोक, ठुलो धादिङ गा.वि.स वडा नं ४ बस्ने बर्ष ३४ को राजु तथा भरत भन्ने माईला लामालाई पक्राउ गरेको हो ।
१० बर्ष कैद र रु ५०,०००।– जरिवाना हुने ठहर भएको र सिन्धुपाल्चोक कारागारमा सजाय भुक्तान गरीरहेको अवस्थामा २०७२ बैशाख १२ गतेको महाभुकम्प गएको समयमा कारागार बाट भागी हिडी हाल सम्म फरार थिए ।
कैद भुक्तानको लागि २०७५ असोज ५ गते केन्द्रिय कारागार कार्यालय जगन्नाथदेवल सुन्धारा काठमाण्डौंमा पठाईएको छ ।
जाहरेवाला शिवबहादुर खड्कालाई २०६७ बैशाख १६ गते ,जोरपाटी गा।वि।स माकलबारी स्थित सुवर्ण खड्काको घरमा प्रतिवादीहरु राजु तथा भरत भन्ने माईला लामा समेतका व्यक्तिहरुले जग्गा बेचेर आएको कमिसन बापतको रकम नदिएको रिसमा अपहरण गरि बन्धक बनाई राखिएकोमा २०६७ जेष्ठ सात गते प्रहरीले अपहरण मुक्त गरेको थियो।
२०७५ असोज ५ गते प्रकाशित
वि.सं.२०७५ असोज ५ शुक्रवार १५:५५ मा प्रकाशित