काठमाडौं । तामाकोशीको प्राथामिक सेयर निष्कासन (आइपिओमा)मा ६ हजार जनाले दोहोराएर आवदेन दिएका छन् । दोहोराएर आवेदन दिनेले सेयर नपाउने भएका छन् ।
एउटै व्यक्तिले दोहोरो आवेदन दिएका कारण माथिल्लो तामाकोशी जलविद्युत आयोजनको आइपिओ बाँडफाँड पर धकेलिन पुगेको छ । अघिल्लो साता नै बाँडफाँड हुने भएको तामाकोशीको सेयर यस साता मात्र हुने भएको छ । सञ्चयकोषका बचतकर्ता, ऋणदाता संस्थाका कर्मचारी, आयोजना प्रभावित लगायतका लागि दुई पटक आईपिओ निष्काशन भएपनि तेस्रो पटक सर्वसाधारणलार्ई निकालिएको सेयरमा पनि तिनै आवेदकले दोहोरो आवेदन दिएका कारण धेरै समस्या आएको हो ।
आयोजनाको सेयर निष्काशन तथा बिक्री प्रबन्धक नागरिक लगानी कोष तथा सनराइज क्यापिटलले दोहोरो आवेदनका कारण सेयर बाँडफाँड प्रक्रियामा ढिलाइ भएको बताएका छन् ।
दोहोरो आवेदन गर्नेहरुको आवेदन स्वत रद्ध हुने सेयर निष्कासन तथा बिक्री प्रबन्धकहरुको भनाइ छ । माथिल्लो तामाकोशी आयोजनाले सर्वसाधारणलाई निष्काशन गरेको १ करोड ५० लाख ९० हजार ७५० कित्ता सेयरका लागि ३ लाख ४६ हजार बढीले आवेदन गरेका थिए ।
२०७५ मंसिर ९ गते प्रकाशित
वि.सं.२०७५ मंसिर ९ आइतवार ११:३० मा प्रकाशित
