काठमाडौं । सांग्रिला डेभलपमेन्ट बैंकले गत आर्थिक वर्ष २०७४/७५ को नाफाबाट ९.३० प्रतिशत लाभांश वितरण गर्ने प्रस्ताव गरेको छ। । बैंकको बुधबार बसेको सञ्चालक समिति बैठकले ४ प्रतिशत बोनस सेयर र ५.३० प्रतिशत नगद लाभांश दिने निर्णय गरेको हो । सांग्रिलाले बोनसमा १० करोड २ लाख ५५ हजार ४०० रुपैयाँ र नगद लाभांशमा १३ करोड ७८ लाख ५१ हजार १७५ रुपैयाँ खर्च गर्नेछ ।
बैंक सञ्चालक समितिले प्रस्ताव गरेको उक्त लाभांश नेपाल राष्ट्र बैंकबाट स्वीकृत भएर बैंकको आगामी वार्षिक साधारण सभाले अनुमोदन गरेपछि मात्र वितरण हुनेछ । हाल सांग्रिलाको चुक्ता पुँजी २ अर्ब ५० करोड ६३ लाख ८५ हजार रुपैयाँ छ ।
२०७५ पौष ४ गते प्रकाशित
वि.सं.२०७५ पुस ४ बुधवार १३:४३ मा प्रकाशित