काठमाडौं । नेपाल स्टक एक्चेन्ज (नेप्से) मा सूचीकृत पाँच कम्पनीको मूल्य १०० रुपैयाँ भन्दा तल आएको छ । उक्त कम्पनीको सेयर खरिद गरेका लगानी कर्ताले ब्याजको त के कुरा साँवा पनि डुब्न लागेको भन्दै चिन्ता व्याक्त गरेका छन् ।
लगानीकर्तालाई सावाँ समेत डुबाउने कम्पनीमा जलविद्युत् समूहका चार कम्पनी र एउटा फाइनान्स कम्पनी छ । सिनर्जी पावर डेभलपमेन्टको सेयर प्रतिकित्ता ९५ रुपैयाँ छ । यसैगरी, नेशनल हाइडोपावर कम्पनीको ७० रुपैयाँ, खानी खोला हाइडोपावरको ९७ रुपैयाँ, आँखु खोला जलविद्युत् आयोजनाको ९१ रुपैयाँ छ । साथै, वेष्ट फाइनान्स कम्पनीको ८४ रुपैयाँ छ ।
यसैगरी, तीन कम्पनीको सेयर मूल्य अहिले पनि १०० रुपैयाँ छ । वर्षौ अघि लगानीकर्ताले प्रतिकित्ता १०० रुपैयाँ हालेर किनेको सेयर अहिले पनि त्यही मूल्यमा खरिद बिक्री हुँदै आएको छ । लगानीकर्ताले उक्त कम्पनीहरुको सेयर बिक्री गरेर सावाँ फिर्ता पाएपनि ब्याज भने पाउन सक्ने अवस्था छैन् । अहिले पनि प्रतिकित्ता १०० रुपैयाँ हुने कम्पनीमा रैराड. हाइडोपावर, रिडी हाइडोपावर र कर्णाली डेभलपमेन्ट बैंक छन् ।
पुँजी बजार सुस्त हुँदा कतिपय सूचीकृत कम्पनीहरुको भाउ आइपीओकै हाराहारी र कतिपयको त्यो भन्दा पनि तल आएका छन् ।
२०७५ माघ ३ गते प्रकाशित
वि.सं.२०७५ माघ ३ बिहीवार १५:०२ मा प्रकाशित