काठमाडौं । उन्नति माइक्रोफाइनान्स वित्तीय संस्थाको फागुन १३ गतेदेखि २० प्रतिशत हकप्रद सेयर खुल्ने भएको छ । कम्पनीले ५ बराबर १ को अनुपातमा १ लाख १० हजार कित्ता हकप्रद सेयर बिक्री गर्न लागेको हो ।
माइक्रोफाइनान्सको शेयर बिक्री प्रबन्धक सिद्धार्थ क्यापिटल रहेको छ। हकप्रदमा धितोपत्र बोर्डबाट आश्वा अनुमति प्राप्त सम्पूर्ण बैंक तथा वित्तीय संस्थाका शाखा कार्यालयहरु, मेरो शेयर तथा सिद्धार्थ क्यापिटल नक्साल र माइक्रोफाइनान्सको केन्द्रीय कार्यालय तथा शाखा कार्यालयबाट आवेदन दिन सकिनेछ। यस हकप्रदमा माघ १५ गतेसम्म कायम रहेका सेयरधनीले आवेदन दिन सक्नेछन् । चैत्र १७ गतेसम्म भर्ने म्याद हुनेछ ।
उन्नतिको माघ २६ मा सम्पन्न साधारण सभाले गत वर्षको कमाईबाट ४०.५० प्रतिशत बोनस र २.१३ प्रतिशत नगद लाभांश वितरण गर्ने प्रस्ताव पारित गरेको छ । अहिले बिक्री गर्न लागिएको २० प्रतिशत हकप्रद र यो बोनसपछि चुक्ता पुँजी ८ करोड ८२ लाख ७५ हजार रुपैयाँ पुग्नेछ ।
२०७५ फागुन १२ गते प्रकाशित
वि.सं.२०७५ फागुन १२ आइतवार १२:३४ मा प्रकाशित