काठमाडौं । आइएमई जनरल इन्सुरेन्सको फागुन २२ गतेदेखि १ लाख २ हजार ३६४ कित्ता सेयर लिलामी खुला भएको छ । इन्स्योरेन्सले गत पुसमा चुक्ता पूँजीको ८० प्रतिशत अर्थात ४३ लाख २० हजार कित्ता हकप्रद शेयर बिक्रीमा ल्याएको थियो। जसमा एक लाख ७६६ कित्ता साधारण र एक हजार ५९८ कित्ता संस्थापक गरि कूल एक लाख २ हजार ३६४ कित्ता अवितरित भएको थियो। सोही शेयर अहिले लिलामी मार्फत बिक्री गर्न लागेको हो।
कम्पनीले १० बराबर ८ अनुपातमा ४३ लाख २० हजार कित्ता खुल्ला गर्दा ४२ लाख १७ हजार ६३६ कित्ता सेयरको लागि मात्र आवेदन परेको थियो । यस लिलामीमा आवेदन दिने अन्तिम म्याद फागुन ३० गते अपराह्न ३ बजेसम्म हुनेछ। लिलामी शेयरमा ग्लोबल आईएमई क्यापिटल, तथा ग्लोबल आईएमई बैंकको शाखा कार्यालयहरु वीरगञ्ज, हेटौंडा, बुटबल, विराटनगर, नेपालगञ्ज, सुर्खेत, धनगढी, र पोखराबाट फागुन ३० गते बिहीबारसम्म लिलामी शेयरमा बोलपत्र पेश गर्न सक्नेछन्।
बोलपत्र भर्दा न्यूनतम १०० रुपैयाँलाई आधार मानेर पेश गर्नुपर्नेछ। न्यूनतम १०० कित्तादेखि माथि सबै कित्ताका लागि आवेदन दिन सकिनेछ । हाल आइएमई जनरलको चुक्ता पुँजी ४२ करोड रुपैयाँ छ । हकप्रदपछि पुँजी ९७ करोड २० लाख रुपैयाँ पुग्नेछ । चालु आर्थिक वर्षको पहिलो त्रैमासमा यस इन्सुरेन्सले २ करोड ६१ लाख ३० हजार रुपैयाँ खुद नाफा कमाएको छ । यसको प्रतिसेयर आम्दानी १९ रुपैयाँ ३६ पैसा र प्रतिसेयर नेटवर्थ १५९ रुपैयाँ ३३ पैसा छ ।
२०७५ फागुन २२ गते प्रकाशित
वि.सं.२०७५ फागुन २२ बुधवार १२:१७ मा प्रकाशित
