काठमाडौं । बुटवल पावर कम्पनीले १८ प्रतिशत नगद लाभांश सेयरधनीहरुको खातामा पठाउन सुरु गरेको छ । कम्पनीले पुस ५ गतेसम्म डिम्याट खातामा बैंक खाता अद्यावधिक गराएका सेयरधनीलाई १८ प्रतिशत नगद लाभांश जम्मा गरिएको जनाएको छ । यस्तै, १० प्रतिशत बोनस सेयर भने सूचीकरण भएपश्चात लगानीकर्ताको खातामा पठाइने भएको छ ।
बुटवल पावर कम्पनीको गत पुस २७ गते साधारण सभा भएको थियो । उक्त साधारण सभाबाट सेयरधनीलाई १० प्रतिशत बोनस सेयर र १८ प्रतिशत नगद गरी कुल २८ प्रतिशत लाभांश वितरण गर्ने प्रस्ताव पारित भएको थियो । सोही १८ प्रतिशत नगद लाभांश अहिले वितरण सुरु गरेको हो ।
अहिलेसम्म डिम्याट खाता नखोलेका वा बैंक खाता अद्यावधिक नगराएका सेयरधनीले खाता खोली अद्यावधिक गराएपछि मात्र लाभांश पाउनेछन् ।
२०७५ फागुन २३ गते प्रकाशित
वि.सं.२०७५ फागुन २३ बिहीवार १२:४६ मा प्रकाशित
