काठमाडौँ । संस्थागत विद्यालय शिक्षक युनियनले आफ्नो नयाँ कार्यसमिति चयन गरेको छ । शनिबार राजधानीमा सम्पन्न चौंथो काठमाडौँ जिल्ला अधिवेशनबाट सुरेस भट्टको अध्यक्षतामा २१ सदस्यीय कार्यसमिति चयन गरेको हो । कार्यक्रम उद्घाटन सत्र र बन्द सत्र गरी दुई भागमा बाँडिएको थियो । मोतीराम फुयालँको प्रमुख आतिथ्य रहेको कार्यक्रममा भीम क्षेत्री, गीता राणा र तारापति खरेलको विशेष आतिथ्य रहेको थियो । नवगठित कार्यसमितिको उपाध्यक्षमा सन्तोष जि सि र नितु झा, सचिबमा भुपाल उप्रेती, सह सचिबमा ओमनाथ कडरिया र कोषाध्यक्षमा रमेश बराल चयन भएका छन् ।
कार्यक्रकमा शिक्षा व्यवसायी र सरोकारवालाहरूले शिक्षा गुणस्तर वृद्धि गर्नुपर्ने भन्दै सर्वसुलभ र गुणस्तरीय शिक्षाको सुनिश्चितता, संघीय शिक्षा ऐनले तोके बमोजिम नियुक्तिपत्र, तलब, सेवा सुविधाको माग अघि सारेका छन् । त्यसैगरी निजी विद्यालयमा कार्यरत सम्पूर्ण शिक्षक कर्मचारीहरूलाई योगदानमा आधारित सामाजिक सुरक्षा कोषमा सहभागी गराउन माग गर्दे नेपाल सरकारले २०७६/७७ को बजेट मार्फत् बढाइएको १८ प्रतिशत तलब तत्काल बढाएर दिन आग्रह समेत गरेका छन् ।
नयाँ बानेश्वर काठमाडौँमा केन्द्रीय कार्यालय रहेको यस युनियनको ‘संस्थागत विद्यालयमा कार्यरत सम्पूर्ण शिक्षक कर्मचारी एक होऔँ’ भन्ने नारा सहित २०६० सालमा स्थापना भएको थियो । यसले संस्थागत विद्यालयका शिक्षकहरूको हक अधिकारका लागि आवाज उठाउँदै आएको छ । ।
वि.सं.२०७६ असार १५ आइतवार १०:१६ मा प्रकाशित