काठमाडौं । एभरेष्ट इन्सुरेन्सको ३०० प्रतिशत हकप्रदमा आवेदन दिने आज सोमबार अन्तिम दिन हो । कम्पनीले जेठ १४ गते देखि १ बराबर ३ को अनुपातमा ८२ लाख १९ हजार ४७५ कित्ता हकप्रद सेयर बिक्रीमा ल्याएको छ । यो हकप्रदमा प्रतिसेयर १०० रुपैयाँका दरले आवेदन दिन पाइनेछ । वैशाख ८ गतेसम्म कायम सेयरधनीले मात्र यसमा आवेदन दिन सक्नेछन् ।
इन्स्योरेन्सको हकप्रदमा सिद्धार्थ क्यापिटलको कार्यालय नक्साल, एभरेष्ट इन्स्योरेन्स हात्तिसार तथा सम्पूर्ण शाखा कार्यालयहरु, मेरो शेयर तथा धितोपत्र बोर्डबाट सि आश्वा सदस्यता अनुमति लिएका सबै बैंक तथा वित्तीय संस्थाबाट हकप्रद भर्न सकिनेछ।
एभरेष्टले यसअघि मंसिर २३ देखि पुस २२ गतेसम्म १०५५ संस्थापक समूहको हकप्रद सेयर खुला गरेको थियो । उक्त संस्थापक हकप्रद बिक्रीपछि चुक्ता पुँजी २७ करोड ३९ लाख ८२ हजार ५०० रुपैयाँ पुगेको छ । अहिले फेरि यही पुँजीको ३०० प्रतिशत हकप्रद बिक्री गर्न लागिएको हो । यसपछि चुक्ता पुँजी १ अर्ब ९ करोड ५९ लाख ३० हजार रुपैयाँ पुग्नेछ । प्रतिसेयर आम्दानी १४ रुपैयाँ ६६ पैसा रहेको एभरेष्टको प्रतिसेयर नेटवर्थ २३० रुपैयाँ ७७ पैसा छ ।
२०७६ असार १६ गते प्रकाशित
वि.सं.२०७६ असार १६ सोमवार ११:०६ मा प्रकाशित
