काठमाडौं । असार २३ गते सोमबार अर्थात भोलिबाट मल्टिपर्पोज फाइनान्सको हकप्रद सेयर खुला हुने भएको छ । कम्पनीले ३५ लाख ८५ हजार २६४ कित्ता हकप्रद सेयर बिक्री गर्न लागेको हो । ८६५ प्रतिशत हकप्रद सेयर खुला गरेको मल्टिपर्पाेजको १ कित्ता बराबर ८.६५ कित्ता रहेको छ । आवेदनका लागि मल्टिपर्पोज फाइनान्सको सम्पूर्ण शाखा र बिक्री प्रबन्धकको रुपमा सिभिल क्यापिटल रहने यस हकप्रद सेयरका लागि साउन २६ गतेसम्म आवेदन दिन सकिने बताइएको छ । यस्तै, आस्वा सदस्य बैंक तथा वित्तीय संस्थाबाट पनि आवेदन बुझाउन सकिनेछ ।
प्रतिकित्ता १०० रुपैयाको दरले कुल ३५ करोड ८५ लाख २६ हजार ४०० रुपैयाँ बराबरको हकप्रद निष्कासन गर्न लागेको यस फाइनान्सको चुक्ता पुँजी ४ करोड १४ लाख ७३ हजार ६०० रुपैयाँ रहेकोछ । भने हकप्रद बिक्रीपछि ४० करोड रुपैयाँ पुग्ने बताइएको छ । अहिले कम्पनीको पुँजी संरचना संस्थापक र सर्वसाधारणको ६०ः४० अनुपातमा रहेको छ । हकप्रद बिक्रीपछि पनि यही अनुपात नै कायम रहने बताइएको छ । यो हकप्रदलाई इक्रा नेपालले कमजोर आधार जनाउने ग्रेड ५ रेटिङ प्रदान गरेको छ । हकप्रद बिक्रीबाट प्राप्त हुने रकममध्ये ७ं०% कर्जा तथा सापट, १५% लगानी, १०% शाखा विस्तार र अन्यमा ५% खर्च हुनेछ ।
कम्पनीले चालु आर्थिक वर्षको तेस्रो त्रैमाससम्म आइपुग्दा २४ लाख ९९ हजार ४९३ रुपैयाँ खुद नाफा कमाएको छ । रिजर्भ कोषमा पनि ११४.८३५ ले वृृद्धि गरेर २ करोड ७३ लाख २८ हजार १०१ रुपैयाँ जम्मा गरेको छ । यसको प्रतिसेयर आम्दानी ८ रुपैयाँ ४ पैसा र प्रतिसेयर नेटवर्थ १५६ रुपैयाँ ३३ पैसा रहेको छ।
२०७६ असार २२ गते प्रकाशित
वि.सं.२०७६ असार २२ आइतवार १३:२७ मा प्रकाशित
