काठमाडौं । एनएमबि म्युचुअल फण्डले भोलि अर्थात् साउन १३ गते सोमबारदेखि एनएमबि ५० नामक सामूहिक लगानी कोषको इकाई बिक्रीमा ल्याउँने भएको छ । यसैबिच यसअघिको एनएमबि म्युचुअल फण्डद्धारा सञ्चालित दुबै सामूहिक लगानी कोषहरु एनएमबि सुलभ इन्भेष्टमेन्ट फण्ड १ र एनएमबि हाइब्रिड फण्ड एल १ को आइतबार लाभांश घोषणा समेत भएको छ।
एनएमबि सुलभ इन्भेष्टमेन्ट फण्डको साउन १२ गते आइतबार बसेको सञ्चालक समितिको बैठकले आर्थिक वर्ष २०७५/०७६ बाट इकाईधनीलाई कर सहित १५ प्रतिशत नगद लाभांश वितरण गर्ने प्रस्ताव गरेको हो।
यसका साथै एनएमबि हाइब्रिड फण्ड एल १ को पनि आइतबार सम्पन्न सञ्चालक समिति बैठकले इकाईधनीलाई आर्थिक वर्ष २०७५/०७६ बाट कर सहित १० प्रतिशतका दरले नगद लाभांश वितरण गर्ने प्रस्ताव गरेको हो।
एनएमबि सुलभ इन्भेष्टमेन्ट फण्ड १ ले अघिल्लो आर्थिक वर्ष २०७४/०७५ २१.०५ प्रतिशत नगद लाभांश वितरण गरेको थियो भने २०७३ भदौमा इकाई जारी गरेको एनएमबि हाइब्रिड फण्ड एल १ को यो पहिलो लाभांश हो।
२०७६ साउन १२ गते प्रकाशित
वि.सं.२०७६ साउन १२ आइतवार ११:४४ मा प्रकाशित