काठमाडौं । केन्द्रीय अनुसन्धान ब्युरो (सीआईबी)ले सहकारीको रकम हिनामिना गर्ने प्रतिमा सिटौलालाई पक्राउ गरेको छ ।
अप्सरा पौडेलको सूचनाका आधारमा सिटौलालाई प्रहरीले पक्राउ गरेको सीआईबीले जनाएको छ ।
सिटौलाले जिल्ला काठमाडौं टोखा नगरपालिका वडा–९ स्थित नाङ्गलो दिप सेभिङ्ग एण्ड क्रेडिट को–अपरेटिभ लिमिटेडको १८ लाख ३८ हजार ८ सय ८७ रुपैयाँ ठगी गरेको आरोप छ ।
उच्च अदालत पाटनले २०७३ चैत्र ७ गते एक महिना कैदसहित ठगीबराबर बिगोको फैसला गरेको थियो । त्यसबेलादेखि फरार रहेकी सिटौलालाई सीआईबी टोलीले विदुर नुवाकोटबाट पक्राउ गरेको हो ।
वि.सं.२०७६ साउन २२ बुधवार ०९:३६ मा प्रकाशित
