काठमाडौं । नेपालमा गत आर्थिक वर्ष ४२ देशबाट ६ अर्ब ६० करोड ६१ लाख ३९ हजारको काठ आयात भएको छ । नेपाल आफ्नो जंगलबाट निकालेर आत्मनिर्भर हुन सक्ने प्रशस्त सम्भावना भएपनि हरेक वर्ष काठ र काठजन्य सामग्रीको आयात बढ्दै र निर्यात घट्दै गएको छ ।
नेपालमा भारतबाट ३ अर्ब ५५ करोड ३२ लाख, इन्डोनेसियाबाट एक अर्ब १४ करोड ५० लाख, चीनबाट ८४ करोड ६७ लाख, म्यानमारबाट चार लाख ६६ हजार र मलेसियाको ४६ करोड ६० लाख रुपैयाँबराबरका काठ तथा काठजन्य सामग्री आयात भएको भन्सार विभागले जनाएको छ ।
नेपालले गत वर्ष साढे ६ अर्ब काठ आयात गरेकोमा पाँच करोडको मात्रै काठ निर्यात गरेको छ । भन्सार विभागका अनुसार चीन, भारत, अमेरिकालगायत २६ देशमा पाँच करोड ५६ लाख १० हजार रुपैयाँबराबरका काठ र काठजन्य वस्तु निर्यात भएको छ ।
देशमा सात प्रतिशत काठ र काठजन्य सामग्रीबाट व्यापार घाटा भएको छ । जंगलबाट काठ निकाल्न कानुनी सहज बनाएमा आयात प्रस्थिापन गर्न सकिने बताइएको छ ।
२०७६ साउन २५ गते प्रकाशित
वि.सं.२०७६ साउन २५ शनिवार १५:०२ मा प्रकाशित