पाँचथर । मध्यपहाडी लोकमार्गको पूर्वीखण्डमा काम गर्दै आएका पाँचवटा निर्माण कम्पनीलाई कारर्बाही गरी १ करोड २२ लाख राजस्व संकलन गरेको छ ।
समयमा काम गर्न नसकेका ५ वटा निर्माण कम्पनीलाई कारबाही गरिएको आयोजना प्रमुख अभिमान मुल्मीले जानकारी दिए । कारबाहीमा पर्ने निर्माण कम्पनी पाँचथरसहित पूर्वका विभिन्न जिल्लामा सडक र पुल निर्माण तोकिएकै समयमा काम नसकेको भन्दै कारबाही गरिएको हो ।
कारबाहीमा पर्नेमा पुल निर्माणमा रहेको कोसी एन्ड न्यौपाने कन्ट्रक्सन प्रालिलाई ५९ लाख ६९ हजार १ सय ६५ रुपैयाँ छ । उक्त कम्पनीले भोजपुर जिल्लामा पुल निर्माण गरिरहेको थियो । सोही क्षेत्रमा काम गरिरहेको इलाइट कन्ट्रक्सन प्रालिलार्ई आयोजना कार्यालयले ७ लाख ७३ हजार ३ सय रुपैंयाँ जरिवाना गरेको छ ।
तेह्रथुममा काम गरिहेको हिम्दुङ एन्ड थोकर कन्ट्रक्सन प्रालिलाई आयोजनाले ५४ लाख ५३ हजार २ सय २६ रुपैयाँ, पाँतथरको च्याङथापु क्षेत्रमा काम गरिरहेको गौरा त्रिशूली जेभी कन्ट्रक्सन प्रालिलाई १ लाख ७५ हजार १ सय ५२ रुपैंयाँ र भोजपुरमा रहेको एरीमा कन्ट्रक्सन प्रालिलाई १ लाख १९ हजार ८ सय २० रुपैंयाँ जरिवाना गरिएको छ ।
कारबाहीमा पर्ने सबै कम्पनी मध्यपहाडी पुष्पलाल लोकमार्ग पूर्वीखण्डमा कार्यरत हुन् । पूर्वीखण्ड पाँचथर, तेह्रथुम, धनकुटा, भोजपुरलगायतका जिल्लालाई हेर्ने गरी पाँचथरमा स्थापना भएको हो ।
२०७६ साउन २६ गते प्रकाशित
वि.सं.२०७६ साउन २६ आइतवार १३:५३ मा प्रकाशित
