काठमाडौं । कोशी करिडोरको कामले तीव्रता पाको छ । दु्रतमार्गको रूपमा पहाड र तराई जोड्ने सडकको रूपमा निर्माण गरिएको कोशी करिडोरको काम ५५ प्रतिशत पूरा भएको छ ।
पहाडलाई तराईसँग जोड्दै पहाडको आर्थिकरूपमा विकास गर्ने लक्ष्य यो आयोजनाले लिएको छ । पूर्वी पहाडका पाँचथर, ताप्लेजुङ, तेहथुम र धनकुटालाई तराई र राजधानी जोड्ने गरी यो सडक निर्माण गरिँदै छ । यो करिडोरबाट पूर्वी पहाडलाई तराई हुँदै केन्द्रीय राजधानी काठमाडौंसम्म छोटो दूरीमा पुग्न सकिने छ ।
पाँचथरको याङ्वरक गाउँपालिकाको गणेशचोकदेखि सुनसरीको चतरासम्मको १ सय ४८ किलोमिटर सडक बनेसँगै पाँचथर, ताप्लेजुङ तेह्रथुम, धनकुटाका स्थानीय लाभाविन्त हुने आयोजना प्रमुख अभिमान मुल्मीले बताए । १४८ किलोमिटरमध्ये १३५ किलोमिटर ट्रयाक ओपन गर्ने काम सकिएको छ ।
अहिले कोशी कोरिडोरको सातवटा प्याकेजमा ट्रयाक खोल्ने र ग्राभलिङ गर्ने काम भइरहेको मुल्मीले जानकारी दिए । मुल्मीका अनुसार कुनै सबै प्याकेजमा हिसाब गर्दा ५५ प्रतिशत निर्माण कार्य भइसकेको छ ।
करिडोरले पहाड र तराईलाई जोड्दै यहाँका बासिन्दाको जिविकोपार्जन र आर्थिक कारोबार वृद्धि गर्ने अपेक्षा गरिएको छ । पाँचथर, तेह्रथुम र ताप्लेजुङका कृषि उपज तराई पु¥याउन सहज हुने अनुमान गरिएको छ ।
२०७६ साउन २७ गते प्रकाशित
वि.सं.२०७६ साउन २७ सोमवार ११:०३ मा प्रकाशित