सुनसरी । सुनसरीका उद्यमी महिलाद्वारा उत्पादित सामग्रीको बजारीकरण गर्दै उनीहरूलाई प्रोत्साहन गर्न भदौ ५ देखि ७ गतेसम्म महिला उद्यमी मेला २०७६ हुने भएको छ ।
महिला सञ्जाल धरानको आयोजनामा धरानको छाता चोकनजीकै रहेको सोमबारे बजारमा घरेलु उत्पादनको सस्तो मेला लाग्ने भएको हो ।
मेलामा ३० ओटा स्टलमा महिला उद्यमीद्वारा उत्पादित हस्तकला सामग्री, जुत्ताचप्पल, साडीकुर्ता, हातेझोला, अग्र्या्निक तरकारी, नेपाली खाजा परिकार, स्थानीय तयारी खाद्यान्न सामग्री लगायत रहनेछन ।
धरानका उद्यमी महिलाद्वारा उत्पादित घरेलु वस्तुका सामग्रीको बजार प्रवद्र्धनका लागि मेला गर्न गरिएको सञ्जालकी अध्यक्ष सविता राईले बताइन ।
मेलामा सामग्री उद्यमी तथा व्यवसायीबीच अन्तरक्रिया, बजारीकरणबारे जानकारी र तीज विशेष कार्यक्रम पनि हुने आयोजकको भनाइ छ ।
२०७६ भदौ १ मा प्रकाशित
वि.सं.२०७६ भदौ १ आइतवार ०७:१८ मा प्रकाशित