काठमाडौं । सरकारले चालु आर्थिक बर्षको पहिलो महिनामा नै वित्तीय अनुशासनको नारालाई लत्याउँदै झण्डै दुई करोड रुपैयाँ रकमान्तर गरेको छ ।
अर्थ मन्त्रालयको विवरण अनुसार चालु आर्थिक बर्षको साउन महिनामा सरकारले १ करोड ५५ लाख ७८ हजार ४ सय ३२ रुपैयाँ रकमान्तर गरेको हो ।
अर्थ मन्त्रालयले साउन महिनामा ७ वटा फाइलबाट प्रतिनिधिमण्डल भ्रमण तथा स्वागत खर्च, आर्थिक सहायता, भैपारी आउने खर्च लगायतका नाममा यो रकम निकासा तथा रकमान्तर गरेको हो ।
मन्त्रालयले प्रधानमन्त्री राष्ट्रिय प्रतिभा पुरस्कार वितरणदेखि उद्योग, वाणिज्य तथा आपूर्तिमन्त्री मात्रिका प्रसाद यादवले रसिया भ्रमण टिकट रद्द गरेकोसम्म लागि रकमान्तर निकासा दिएको छ ।
२०७६ भदौ ५ गते प्रकाशित
वि.सं.२०७६ भदौ ५ बिहीवार १२:५४ मा प्रकाशित
