काठमाडौं । निजी क्षेत्रको दूरसञ्चार सेवाप्रदायक एनसेल झन्डै ४० अर्ब रुपैयाँ लाभकर तिर्नबाट जोगिएको छ ।
ठूला करदाता कार्यालयले एनसेलमाथि निर्धारण गरेका लाभ कर प्रक्रियालाई सर्वोच्च अदालतको सोमबारको इजालसले बदर गरिदिएको हो ।
यस आदेशपछि एनसेल करिब ४० अर्ब रुपैयाँ कर दायित्वबाट जोगिएको छ । टेलिसोनिया र एक्जिटायबीच भएको खरिदबिक्रीमा भारी लाभकर कर तिर्नुपर्ने ठूला करदाता कार्यालयको जिकिर थियो ।
सर्वोच्च अदालतका ५ न्यायाधीशहरुकोको इजलासले एनसेलमाथि निर्धारण गरिएको लाभकर दायित्व बदर गर्न आदेश दिएको हो ।
यसअघि गत वैशाख पहिलो साता ठूला करदाता कार्यालयले एनसेललाई ६२ अर्ब ६३ करोड ४९ लाख ७५ हजार ५६६ रुपैयाँको लाभकर कर तिर्नुपर्ने निर्देशन दिएको थियो ।
यसमध्ये एनसेलले सरकारलाई यसअघि नै तिरिसकेको २३ अर्ब ५७ करोड ४२ लाख ९० हजार ७५१ रुपैयाँ कटाएर बाँकी रकम भुक्तानी गर्न ठूला करदाता कार्यालयले भनेको थियो । यस निर्णयको विरोध गर्दै एनसेल सर्वोच्च अदालत पुगेको थियो ।
२०७६ भदौ १० गते प्रकाशित
वि.सं.२०७६ भदौ १० मंगलवार ०८:१२ मा प्रकाशित
