काठमाडौं । लगातार तीन कारोबार दिन घटेको शेयर बजार चौथो दिन बढेको छ ।नेपाल स्टक एक्सचेन्जको कारोबार मापक सूचक ४.८७ अङ्कले बढेर १२०८ अंकमा उक्लिएको छ ।
गएको चार कारोबार दिनमा सूचक ११ अङ्कले घटेको थियो।तर बुधवार सूचक करिब पाँच अङ्कले सुधारिएको छ ।मंगलबार १ सय ६७ कम्पनीको आठ लाख ५० हजार कित्ता शेयर कारोबार भयो। २४ करोड ४६ लाख रुपैयाँ बराबरको शेयर कारोबार भएको हो ।
नियमित शेयर कारोबारमा लगानीकर्ताको सहभागिता न्यून भएको कारण सूचक बढेको भएपनि कारोबार रकम भने २४ करोड रुपैयाँमा खुम्चिएको हो ।
मंगलबार सबैभन्दाबढी एनआइसि एसिया बैंकको शेयर कारोबार भएको छ । बैंकको दुई करोड ३६ लाख रुपैयाँ बराबरको शेयर कारोबार भएको छ । कारोबार रकमकै आधारमा नेपाल बैंक दोस्रो भएको छ । बैंकको एक करोड ५५ लाख रुपैयाँ बराबरको शेयर कारोबार भएको हो ।
मंगलबार कारोबारको सुरु देखिनै सूचक बढेको थियो ।उपसूचक मिश्रित देखिएका छन । ११ समूहको कारोबारमा दुई समूहको उपसूचक घटेका छन । होटेल ०.४४ अङ्कले घटेको छ भने निर्जीवन बीमा समूहमा ०.२७ प्रतिशतको गिरावट देखिएको छ ।
सबैभन्दा बढी जलविद्युत समूहमा ०.८९ प्रतिशतको वृद्धि देखिएको छ भने सामूहिक लगानीकोषको उपसूचकमा भने कुनै हेरफेर भएन ।
२०७६ भदौ १० गते प्रकाशित
वि.सं.२०७६ भदौ १० मंगलवार १६:५५ मा प्रकाशित
