काठमाडौं । सिंगटी हाइड्रोपावरले साढे ४३ लाख कित्ता प्राथमीक शेयर (आईपीओ) निष्काशन गर्न नेपाल धितोपत्र बोर्डसँग अनुमति माग गरेको छ ।
कम्पनीले १ सय रुपैयाँ अंकित दरमा ४३ करोड ५० लाख रुपैयाँ बराबरको ४३ लाख ५० हजार कित्ता शेयर निष्काशनको लागि बोर्डसँग अनुमति माग गरेको हो ।
आईपीओ निष्काशनको लागि कम्पनीले भदौ २० गते बोडमा आवेदन दिएको हो । बोर्डबाट अनुमति पाएपछि कम्पनीले स्थानीय तथा सर्वसाधारणमा शेयर जारी गर्नेछ ।
सिंगटी हाइड्रोले कूल निष्काशनमा आउने आईपीओमध्ये जलविद्युत आयोजना प्रभावित क्षेत्रका बासिन्दाका लागि १४ लाख ५० हजार कित्ता र सर्वसाधारणका लागि २९ लाख कित्ता बिक्री गरिने कम्पनीले जनाएको छ ।
रेटिङ एजेन्सी केयर रेटिङ नेपालले सिंगटी हाइड्रो इनर्जीको आइपीओलाई औसत भन्दा कम अवस्था जनाउने ग्रेड ४ रेटिङ दिएको छ ।
हाइड्रोपावरको शेयर निष्काशन तथा बिक्री प्रबन्धकमा मेगा क्यापिटल रहेको छ । हाइड्रोपावर कम्पनी र क्यापिटलबीच आगामी असोजसम्ममा आईपीओ निष्काशन गर्ने सम्बन्धमा सम्झौता भएको छ ।
२०७६ भदौ २३ गते प्रकाशित
वि.सं.२०७६ भदौ २३ सोमवार १५:४१ मा प्रकाशित
