काठमाण्डौं । नेपाल पर्यटन बोर्डको सहकार्यमा नेपाल एशोसिएशन अफ टूर एण्ड ट्राभल एजेन्ट्स (नाट्टा) ले आज एउटा अन्तरकृया कार्यक्रम सम्पन्न गरेको छ । नेपाल एयरलाइन्सले जापानको ओशाकामा अन्तराष्ट्रिय उडान शुरु गरेको सन्दर्भमा सो अन्तक्र्रिया कार्यक्रम गरिएको हो ।
नेपाल एयरलाइन्सका कमर्शियल डाइरेक्टर टंक निधी दाहाल, नेपाल पर्यटन बोर्डका सीईओ दिपकराज जोशी, जापान इनवाउण्ड टूर अपरेटर्स कंपनीहरु र नाट्टा कार्यसमितिका सदस्यहरु बीच भएको उक्त अन्तरकृया कार्यक्रममा सीएन पाण्डेको अध्यक्षता रहेको थियो ।
करिब १२ बर्ष पछि नेपाल एयरलाइन्सले जापानको ओशाकामा अन्तराष्ट्रिय उडान शुरु गरेकोमा खुसि व्यक्त गर्दै विद्यमान समस्या र समाधानका उपायहरुलाई खुल्ला रुपमा छलफल गर्न सकिने गरि यो अन्तरकृया कार्यक्रम आयोजना गरिएको थियो ।
सो कार्यक्रममा भगिरथ सापकोटा, केदार दवाडी, शिवेश श्रेष्ठ, श्यामराज थपलिया, गोलमान गुरुङ्ग, नाट्टाका पूर्व अध्यक्ष रामकाजी कोने, संजय माथेमा र नाट्टा कार्य समितिका सदस्य श्रीराम पाण्डेले नेपाल एयरलाइन्सको ओशाका उडानलाई के कसरि दिगो र भरपर्दो गर्न सकिन्छ भन्ने सुझाव व्यक्त गर्नुभएको थियो । साथै नेपाल एयरलाइन्सका कमर्शियल डाइरेक्टर
टंक निधी दाहालले आफुहरु एउटा टीम बनाएर रणनितिक योजनाका साथ अघि बढ्न तत्पर र एयरफेयरलाई पनि प्रतिस्पर्धि र रिलायबल बनाउंदै निरन्तरता दिने विश्वास व्यक्त गर्नुभयो ।
सांग्रिला होटेल लाजिम्पाटमा आयोजना गरिएको अन्तरकृया कार्यक्रम नाट्टाका महासचिव रमेश थापाले संचालन गर्नु भएको थियो ।
२०७६ असोज ०२ गते प्रकाशित
वि.सं.२०७६ असोज २ बिहीवार १२:३३ मा प्रकाशित
