काठमाडौं । नेपाल राष्ट्र बैङ्कले मर्जर तथा प्राप्तिको प्रक्रिया सुरु गरेपछि १ सय २८ बैङ्क तथा वित्तीय संस्थाको अनुमतिपत्र (लाइसेन्स) खारेज भएको छ ।
केन्द्रीय बैङ्कले २०७२ मा ल्याएको मौद्रीक नीति मार्फत चुक्तापुँजी बढाउने निर्णय गरेपछि १ सय ७१ ओटा बैङ्क तथा वित्तीय संस्थाहरू मर्जर तथा प्राप्ति प्रकृयाद्वारा ४३ ओटामा सीमित भएका छन ।
गाभ्नेरगाभिने तथा प्राप्ति पछि राष्ट्र बैङ्कबाट इजाजत प्राप्त बैङ्क तथा वित्तीय संस्थाहरुको संख्या पनि १ सय ७१ नै रहेको छ ।
अहिले वाणिज्य बैङ्क २८, विकास बैङ्क २९, वित्त कम्पनी २३, लघुवित्त वित्तीय संस्था ९० र १ पूर्वाधार बैङ्क रहेको राष्ट्र बैङ्कले जनाएको छ । केन्द्रीय बैङ्कले मर्जरमा जोड दिएकाले संख्या अझै घट्ने देखिएको छ ।
ग्लोबल आईएमई बैङ्क र जनता बैङ्कले मर्जरमा जाने सहमति गरेका छन । त्यस्तै कैलाश विकास बैङ्कलाई प्राइम कमर्शियल बैङ्क प्राप्ति गर्दै छ ।
हालसम्म ७ सय ५३ स्थानीय तह मध्ये ७ सय ३६ मा बैङ्कको उपस्थिती भइसकेको छ । शाखा सञ्जाल बढेर ८ हजार ६८६ ओटा पुगेको छ । एटीएम सेवा पनि विस्तार भई ३ हजार ३१६ ओटा पुगेको छ ।
२०७६ असोज ०३ गते प्रकाशित
वि.सं.२०७६ असोज ३ शुक्रवार १३:५५ मा प्रकाशित
