काठमाडौं । सानिमा बैंकको २१.०५२ प्रतिशत लाभांश पारित भएको छ । बैंकको बुधबार सम्पन्न साधारण सभाले ११.०५२ प्रतिशत नगद र १० प्रतिशत बोनस सेयर अनुमोदन गरेको हो ।
सभा नक्साल ब्यांकेट, नाराणचौर, काठमाडौंमा सम्पन्न भएको थियो । साधारण सभा प्रयोजनका लागि सानिमाले असोज १३ गतेदेखि आजसम्म बुक क्लोज गरेको थियो ।
असोज १२ गतेसम्म कायम सेयरधनीले लाभांश पाएका छन । सभामा २०७५–७६ को वार्षिक प्रतिवेदन तथा नाफा नोक्सान हिसाबकिताब प्रतिवेदन पनि अनुमोदन भएको छ ।
कुनै उपयुक्त बैंक वा वित्तीय संस्थामा मर्जर वा एक्विजिसनमा जानु परेमा आवश्यक सम्झौता गर्न सञ्चालक समितिलाई अख्तियारी प्रदान गर्ने प्रस्ताव पनि अनुमोदन भएको छ ।
हाल सानिमाको चुक्ता पुँजी ८ अर्ब १२ लाख ५५ हजार ४४० रुपैयाँ छ । बोनसपछि पुँजी ८ अर्ब ८० करोड १३ लाख ८० हजार ९८४ रुपैयाँ पुगेको छ ।
असार मसान्तसम्म सानिमाले २ अर्ब २४ करोड ३३ लाख रुपैयाँ खुद नाफा कमाएको छ । यसको प्रतिसेयर आम्दानी २८ रुपैयाँ ०४ पैसा र प्रतिसेयर नेटवर्थ १४८ रुपैयाँ ७३ पैसा छ ।
२०७६ असोज ३० गते प्रकाशित
वि.सं.२०७६ असोज ३० बिहीवार ११:२३ मा प्रकाशित