काठमाडौं । गैरआवासीय नेपाली संघ (एनआरएनए) को अध्यक्षमा कुमार पन्त निर्वाचित हुनुभएको छ । निर्वाचनको २ सय मत गणना हुन बाँकी रहदा नयाँ नेतृत्वका लागि कुमार पन्त एक सय ६७ मतले अगाडि हुनुभएको छ ।
बिहीबार भएको निर्वाचनमा २ हजार ३ सय ४१ मत खसेको थियो । निर्वाचनमा ४२ पदका लागि ७६ जना प्रतिस्पर्धी छन ।
उपाध्यक्षमा अर्जुन श्रेष्ठ र बद्री केसीको जित सुनिश्चित भएको छ । त्यसैगरि महासचिवमा हेमराज शर्मा, कोषाध्यक्षमा महेश श्रेष्ठ, सहकोषाध्यक्षमा लोक दाहाल जित नजिक हुनुहुन्छ ।
मतगणना अन्तिम चरणमा पुग्दै गर्दा फराकिलो मतले पछि कुल आचार्यलाई पछि पार्दै पन्तको प्यानलैको जित सुनिश्चित भएको हो । यद्यपि निर्वाचन समितिले आधिकारिक मत परिणाम भने सार्वजनिक गरेको छैन ।
२०७६ कात्तिक ०१ गते प्रकाशित
वि.सं.२०७६ कात्तिक १ शुक्रवार ०९:४७ मा प्रकाशित