काठमाडौं । पञ्चाङ्ग निर्णायक समितिले जारी गरेको भाइटीकाको साइतमा असहमत नेवार समुदायको मागलाई सम्वोधन गर्दै सरकारले कात्तिक १३ गते सार्वजनिक बिदा दिने निर्णय गरेको छ।
समितिले कात्तिक १२ गते भाइटीका मनाउनुपर्ने साइत सार्वजनिक गरेको थियो । नेवार समुदायले भने यसपटक १२ कात्तिककमा भाइटिका मान्न नसक्ने जनाउँदै प्रधानमन्त्री समक्ष ज्ञापनपत्र बुझाएको थियो ।
नेवार समुदायको मागलाई सम्वोधन सरकार कात्तिक १३ गते सार्वजनिक विदा दिन तयार भएको हो । सरकारी क्यालेण्डरमा १३ कात्तिकमा बिदा उल्लेख नभएकाले मन्त्रीपरिषदबाटै निर्णय गराएर बिदाको घोषणा गरिएको गृह मन्त्रालयको जनाएको छ ।
नेपाल सम्वतको नयाँ वर्ष ११४० कात्तिक १२ गते सुर्योदयसंगै मनाउने र बेलुका म्हपुजा गर्ने चलन रहेकाले नेवार समुदायले १३ गते पनि सार्वजनिक बिदा मागेको हो ।
२०७६ कात्तिक ०७ गते प्रकाशित
वि.सं.२०७६ कात्तिक ७ बिहीवार १५:०९ मा प्रकाशित