काठमाडौं । नेपाली सेनामा कार्यरत सैनिक कुकुरले जवानले भन्दा दोव्वर भत्ता पाउने गरेका छन । सैनिक जवानको स्केलभन्दा कुकुरले दोव्वार बढि भत्ता पाउने गरेका हुन ।
नेपाली सेनाको भैरव बाहन गुल्ममा कार्यरत सैनिक कुकरले दैनिक रासन स्केल प्रतिकुकुर ३८१ रुपैया र जवान सैनिकले १५३ रुपैयाँ पाउने गरेका छन ।
गुल्ममा अहिले ९३ कुकुर छन । ‘कुकुरलाई एकदमै हाइजेनिक र डाइट अनुसारको खानेकुरा खुवाउनुपर्ने भएकाले खर्च बढी हुने गुल्मका सह–सेनानी मनोज राउतले बताउनुभयो ।
कुकुरलाई दैनिक ८ सय ग्राम राँगाको ताजा रातो मासु, आधा लिटर दूध, चामल, हरियो तरकारी, डग विस्कुट लगायत खुवाउने गरिएको बताइएको छ ।
गुल्ममा रहेका कुकुरमध्ये चारवटा अहिले लिबियामा शान्ति स्थापनार्थ खटिएका छन । गुल्मका अनुसार हतियार र विष्फोटक पदार्थ सुँघ्ने क्षमता भएका माइकल र रेक्स नामका कुकुर त्यहाँ कार्यरत छन । बुजो र टोनी नाम गरेका सुरक्षागार्ड कुकुर पनि मिसनमै खटिएका छन् ।
वि.सं.२०७६ कात्तिक १० आइतवार १६:१५ मा प्रकाशित