२०७६ कात्तिक १५ गते प्रकाशित
काठमाडौं । मर्जर प्रक्रियामा रहेको जनसेवी लघुवित्तको नाफा चालू आवको पहिलो त्रैमासमा ३ गुणा वृद्धि भएको छ । कम्पनीले रू. ६३ लाख ११ हजार नाफा कमाएको हो ।
गत आवको पहिलो त्रैमासमा रू. २० लाख ७३ हजार नाफा कमाएको थियो । पहिलो त्रैमासमा कम्पनीको सञ्चालन नाफा र खुद ब्याज आम्दानीमा वृद्धि भएकाले नाफा बढेको हो ।
यस कम्पनी कालिका लघुवित्तसँग मर्जर प्रक्रियामा रहेको छ । कम्पनीले गत वैशाखमा आईपीओ निष्कासन गरेको थियो । मर्जर प्रक्रियामा रहेकाले हाल दोस्रो बजारमा शेयर कारोबार भएको छैन ।
कम्पनीको चुक्तापूँजी रू. १४ करोड ४३ लाख छ । रिजर्भ कोषमा रू. २ करोड ४४ लाख छुट्याएको छ । कम्पनीले पहिलो त्रैमाससम्ममा रू. २१ करोड ३० लाख निक्षेप संलकन गरेको छ भने रू. ६९ करोड ८२ लाख कर्जा प्रवाह भएको छ ।
वि.सं.२०७६ कात्तिक १५ शुक्रवार १६:२८ मा प्रकाशित
