काठमाडौं । बैंकलाई शेयर ब्रोकरको लाईसेन्स दिने प्रक्रिया रोकिएको भएपनि बैंकहरूले भने भटाभट सहायक कम्पनी खोल्ने प्रक्रिया अघि बढाएका छन ।
कम्पनी रजिस्ट्रार कार्यालयका अनुसार हालसम्म ११ वाणिज्य बैंकले शेयर ब्रोकरको काम गर्न कम्पनी नै खोलिसकेका छन ।हालै सिभिल बैंकले शेयर ब्रोकरको काम गर्न ’सिभिल सेक्युरुटिज’ कम्पनी खोलेको छ भने सेन्चुरी कमर्सियल बैंकले ’सेन्चुरी स्टक ब्रोकर’ कम्पनी खोलेको छ ।
जनता बैंक, कुमारी बैंक, नेपाल बंगलादेश बैंक, मेगा बैंक, माछापुच्छ्रे बैंक, सिटिजन बैंक, प्रभु बैंक, सानिमा बैंक र एनआईसी एसिया बैंकले यस अघिनै सहायक कम्पनी खोलिसकेका छन ।
सहायक कम्पनी खोलेपनि बैंकहरूलाई ब्रोकरको काम गर्न दिने प्रक्रिया भने रोकिएको छ । बैंकलाई शेयर ब्रोकरको काम गर्न लाइसेन्स दिने बारे अध्ययन गर्न अर्थ समितिले नेकपाकी सांसद रामकुमारी झाँक्रीको नेतृत्वमा अध्यनकालागि उपसमिति बनाएको छ ।
उक्त समितिले दुई महिनाभित्र अध्ययन प्रतिवेदन पेश गर्ने बताइएको छ । सो समितिको प्रतिवेदन नआउन्जेलसम्मकालागि लाइसेन्स दिने प्रक्रिया भने रोकिएको हो।
२०७६ कात्तिक १९ गते प्रकाशित
वि.सं.२०७६ कात्तिक १९ मंगलवार ०९:२४ मा प्रकाशित