काठमाडौं । भोलि मंगलवार (कात्तिक २६ गते) सार्वजनिक विदा दिइएको छ । एक सूचना जारी गर्दै बागलुङको ताराखोला गाँउपालिकाले कात्तिक २६ गते सार्वजनिक विदा दिएको जानकारी गराएको हो।
गाँउपालिकाको वडा नम्बर २ अर्गलमा प्रचलित भुष पोल्ने पर्वको अवसरमा सार्वजनिक विदा दिएको प्रमुख प्रशासकीय अधिकृत रामप्रसाद शर्माले जानकारी दिनुभयो ।
गाँउपालिका मातहतका सबै संघ सस्था, शिक्षण सस्थामा बिदा दिइएको शर्माले दिनुभयो । १५ औं शताब्दीमा पाल्पाको अर्गलीबाट बसाई सरेर आएका आर्गली मगर समुदाएले प्रत्येक वर्ष कात्तिक २४ गते देखि २६ गते सम्म भुष पोल्ने पर्व मनाउछन ।
अर्गलमा बसोवास गर्ने पुलिसा, ओसासा र नाओसा थरका घर्ति मगरहरुले आफ्नो पहिचान र सभ्यताको रुपमा भुस पोल्ने पर्व मनाउदै आएका छन ।
यो पर्व गाँउपालिका भित्रको ऐतिहाँसिक पर्व भएकोले सार्वजनिक विदा दिएको गाँउपालिका कार्यालयले जनाएको छ ।
प्रत्येक पर्व कात्तिक २४ गते देखि २६ गते सम्म उनिहरुले यो पर्व मनाउने गर्दछन ।
२०७६ कात्तिक २५ गते प्रकाशित
वि.सं.२०७६ कात्तिक २५ सोमवार १५:४५ मा प्रकाशित
