काठमाडौं । धादिङको थाक्रे गाउँपालिका सात किलोमा मङ्गलबार बिहान कन्टेनर दुर्घटना हुँदा सवारी आवागमन प्रभावित भएको छ ।
सडकमै कन्टेनर पल्टिएका कारण बिहान ६ बजेबाट सवारी आवागमन एक लेनमा आलोपालो चलाइएको जिल्ला ट्राफिक प्रहरी कार्यालय गजुरीले जनाएको छ ।
चितवनबाट काठमाडौँ आउँदै गरेको ना२ख ३४८१ नम्बरको कन्टेनर अनियन्त्रित भएर सडकमै पल्टिएको हो । दुर्घटनामा मानवीय क्षति भने नभएको प्रहरीले जनाएको छ । सवारी साधनमा भने सामान्य क्षति भएको छ ।
उक्त कन्टेनरमा रहेको सामान ‘अनलोड’ गरी दुर्घटनाग्रस्त कन्टेनरलाई हटाउने प्रयास भइरहेको प्रहरी चौकी महादेवबेसी धादिङले जनाएको छ ।
२०७६ कात्तिक २६ गते प्रकाशित
वि.सं.२०७६ कात्तिक २६ मंगलवार १०:०९ मा प्रकाशित
