काठमाडौं । आफ्नो स्थापनाको ८३ औं वर्ष प्रवेश गरेको अवसर पारेर नेपाल बैंकले निक्षेप तथा कर्जाका नयाँ योजना ल्याएको छ । बैंकले आज पत्रकार सम्मेलन गर्दै उक्त योजनाका बारेमा जानकारी गराएको हो ।
बैंकले प्रदान गर्ने निक्षेप योजना अन्तर्गत ग्राहकले निःशुल्क रुपमा एटीएम भिसा डेविट कार्ड, निःशल्क मोबाइल बैंकिङ्ग रजिष्ट्रेशन सुविधा, निःशुल्क एबीबीएस सुविधा, निःशुल्क इन्टरनेट बैंकिङ सुविधा, ५० हजारसम्मको औषधोपचार सुविधा, ५० लाखसम्मको दुर्घटना बीमालगायतका सुविधाहरु पाउने बताइएको छ ।
बैंकको उक्त योजनाामा सहभागी हुन ग्राहकले २५ हजारमा बचत खाता खोल्नु पर्नेहुन्छ । बैंकले ल्याएको अर्को योजना अन्तर्गत ग्राहकलाई शुलभ आवास कर्जा योजना रहेको छ ।
जसमा ग्राहकले आफ्नै जग्गामा घर निर्माण गर्न, घर खरीद गर्न, घर मर्मत–सम्भार र थप निर्माण गर्नको लागि सुलभ व्याजदरमा कर्जा सविधा प्राप्त गर्न सक्नेछन् ।
बैंकले कम्तीमा ८.८४ देखि बढीमा ९.९४ प्रतिशत ब्याजदरमा आवास कर्जा दिने भएको छ । यो कर्जा सविधा ५ वर्षदेखि २० वर्षसम्मको अवधिका लागि प्रवाह गरिने छ ।
नेपाल भर १६७ शाखा रहेको बैंकले २३ एक्सटेन्सन काउन्टर, १०२ एटिएम आउटलेटमार्फत करिब १७ लाख ग्राहकलाई बैंकिङ सेवा उपलब्ध गराईरहेको छ ।
२०७६ कात्तिक २६ गते प्रकाशित
वि.सं.२०७६ कात्तिक २६ मंगलवार १४:४८ मा प्रकाशित