२०७६ मंसिर ०७ गते प्रकाशित
हेटौंंडा । ३ प्रदेशका मुख्यमन्त्री डोरमणि पौडेलले निर्माणाधीन भीमफेदीदेखि ईपासम्मको सडक समयमा नै निर्माण गरी सक्न निर्देशन दिनुभएको छ ।
मुख्यमन्त्री पौडेलले भीमफेदीदेखि ईपासम्मको सडकको प्रत्यक्ष अवलोकन गर्ने क्रममा यस्तो निर्देशन दिनुभएको हो ।
सडक अवलोकनका क्रममा सरकारले संवृद्विको सपना देखेकाले देखेको सपना पूरा गरेरै छाड्ने मुख्यमन्त्री पौडेलले बताउनुभयो ।
स्थानीयको खानेपानीको गुनासो सुन्दै पौडेलले प्रदेश ३ मा खानेपानीको सुनिश्चितता हुने बताउँदै खानेपानी पहिलो आवश्यकता भएकाले हरेक जनताको घरमा खानेपानीको धारा जडान गरिने दाबीसमेत गर्नुभयो ।
हिजोका दिनमा पैदल यात्रा पनि असंभव रहेको क्षेत्रमा सडक निमार्ण पश्चात सिस्नेरी–फाखेल हुँदै चल्ने सवारी साधनहरुलेसमेत सडकखण्ड प्रयोग गर्न सक्ने र स्थानीयको दैनिकीमा परिवर्तन आउनको साथै स्थानीय उत्पादनले बजार पाउने भिमफेदी गाउँपालिका अध्यक्ष हिदम लामाले बताउनुभयो ।
२५ करोड ९९ लाख रुपैयाँको लागतमा निर्माण शुरु भएको उक्त सडकको लम्बाई २३.६४० किलोमिटर रहेको छ ।
२०७५ साल मंसिर २५ गते टेण्डर भएको उक्त सडक १८ महिनामा सम्पन्न गरिसक्नुपर्ने सम्झौता रहेको छ ।
सडक खण्डमा दुईवटा पुलको टेण्डर प्रकृया अन्तिम चरणमा रहेको भूकम्प पुनर्निर्माण इकाई मकवानपुरका प्रमुख बिमल किशोर केवीले जानकारी दिनुभएको छ ।
वि.सं.२०७६ मंसिर ७ शनिवार १४:२६ मा प्रकाशित