काठमाडौं । सुरेश खालिङ सिटिजन्स इन्टरनेशनल बैंकको संचालकमा नियुक्त हुनुभएको छ । उहाँ केही समय अगाडि मात्रै लक्ष्मी बैंकका प्रमुख कार्यकारी अधिकृतबाट हट्नुभएको थियो ।
बैंकको शुक्रबार बसेको संचालक समिति बैठकले उहाँलाई वतन्त्र संचालकमा नियुक्त गरेको हो । अवनिन्द्रकुमार श्रेष्ठको पदावधि सकिएपछि खालिङलाई ल्याइएको हो । खालिङसँग बैंकिङ क्षेत्रको तीन दशक लामो अनुभव छ ।
शाखा संचालन तथा जोखिम व्यवस्थापनमा अब्बल तथा अनुभवी बैंकरका रूपमा खालिङ परिचित हुनुहुन्छ । वाणिज्य बैंकमा सहायक पदबाट बैंकिङ सेवा सुरु गरेका खालिङ अनुभवी बैंकर मानिनुहुन्छ ।
२०७६ मंसिर ०९ गते प्रकाशित
वि.सं.२०७६ मंसिर ९ सोमवार ०८:५६ मा प्रकाशित
