काठमाडौं । नेपाल एसबीआई बैंकको ६ प्रतिशत बोनस सेयरपछि मूल्य समायोजन भएको छ । नेप्सेले समायोजनपछिको मूल्य ३६१ रुपैयाँ ३२ पैसा तोकेको छ ।
अब यही मूल्यलाई आधार बनाएर आइतबार यस बैंकको सेयर कारोबार खुल्नेछ । एसबीआईले गत वर्षको नाफाबाट लगानीकर्तालाई ६ प्रतिशत बोनस सेयर र १०.८४ प्रतिशत नगद लाभांश वितरण गर्न लागेको हो ।
बैंकले चुक्ता पुँजीको ५० करोड ६९ लाख ५५ हजार रुपैयाँ बराबरको बोनस सेयर र ९१ करोड ५८ लाख ९८ हजार ७०० रुपैयाँ नगद वितरण गर्दैछ ।
बोनस वितरणपछि पुँजी ८ अर्ब ९५ करोड ६२ लाख ५ हजार रुपैयाँ पुग्नेछ । एसबीआईले लाभांश पारित गर्न मंसिर २९ गते साधारण सभा बोलाएको छ ।
२०७६ मंसिर १३ गते प्रकाशित
वि.सं.२०७६ मंसिर १३ शुक्रवार १०:३९ मा प्रकाशित
