काठमाडौं । शिक्षक सेवा आयोगको परीक्षा उत्तिण गरी आएका शिक्षकको पदस्थापन भएसंगै एकैपटकमा ३८६ शिक्षकको जागिर गुमेको छ । देशको दुई छुट्टाछुट्टै जिल्लामा कार्यरत अस्थायी शिक्षकको जागिर गुमेको हो ।
पाल्पा जिल्लामा कार्यरत १४१ शिक्षक गोरखामा कार्यरत २ सय ४५ गरि ३८६ शिक्षक विस्थापित भएका हुन । बिहीबार शिक्षा विकास तथा समन्वय एकाइ कार्यालय पाल्पाले पुराना शिक्षक विस्थापन गरी दुई सय ६३ नयाँ शिक्षक नियुक्ति गरेको शिक्षा विकास तथा समन्वय एकाइ प्रमुख रमेशराज पौडेलले जानकारी दिनुभयो ।
पौडेलका अनुसार ‘१४१ जागीरबाटै विस्थापित भएका छन् भने कार्यरतमध्ये ५५ जना शिक्षक सेवा दरबन्दीमा नाम निकाल्न सफल भएको र बाँकी सात जना बाहिरी जिल्लामा नाम निकालेर गएका छन ।
त्यस्तै, गोरखामा कार्यरत २ सय ४५ अस्थायी करारका शिक्षक विस्थापित भएका छन् । शिक्षक सेवा आयोगको परीक्षा उत्तीर्ण गरी आएका शिक्षकको पदस्थापन भएसँगै उनीहरु विस्थापित भएका हुन् ।
२०७६ मंसिर १६ गते प्रकाशित
वि.सं.२०७६ मंसिर १६ सोमवार ११:५५ मा प्रकाशित
