काठमाडौं । सरकारले पर्यटन बोर्डको नयाँ प्रमुख कार्यकारी अधिकृत नियुक्तिका लागि आवेदन माग गरेको छ । एक सूचना निकाल्दै बोर्डको सीईओ नियुक्तका लागि गठन गरिएको उपसमितिले आवेदन माग गरेको हो ।
बोर्डका सीईओ दिपकराज जोशीको कार्यकाल सकिन लागेकाले नयाँ सीईओका लागि आवेदन माग गरिएको हो । २०७२ पुसमा सीईओ नियुक्त भएका जोशीको आगामी पुस ९ गते ४ वर्षे कार्यकाल पुरा हुँदैछ ।
उपसमितिले आजको मितिबाट २१ दिनभित्र योग्यता पुगेका इच्छुक नेपाली नागरिकबाट आवेदन माग गरेको छ । सीईओका लागि ३५ वर्ष पुरा भई ६० वर्ष ननाघेको हुनु पर्नेछ ।
हेर्नुहोस् सूचना :
२०७६ मंसिर १८ गते प्रकाशित
वि.सं.२०७६ मंसिर १८ बुधवार ०८:१५ मा प्रकाशित
