काठमाडौं । तीनदिन देखि लगातार करोड नाघेको नेपाल लाइफ इन्स्योरेन्सको शेयर कारोवार बुधवार सबैभन्दा धेरै २ करोड ८२ लाख पुगेको छ ।
सो कम्पनीको मंगलवार १ करोड ४० लाख, सोमवार १ करोड ३६ लाख र साता कारोवारको पहिलो दिन आइतवार करीब १ करोड ४४ लाख शेयर कारोवार भएको थियो ।
बैंक तथा बित्तीय संस्थाहरूले लाभाँश दिनेक्रम सकिँदा पनि इन्स्योरेन्स कम्पनीहरूले लाभाँश दिएका छैनन् तर लगानीकर्ताहरू इन्स्योरेन्स कम्पनीको लाभाँशलाई उत्सुकतापूर्वक हेदै शेयर खरीद गर्न थालेका छन्।
लाइफ इन्स्योरेन्सको क्षेत्रमा अग्रणी स्थानमा रहेको नेपाल लाइफले आकर्षक लाभाँश दिने अनुमानका साथ लगानीकर्ता सो इन्स्योरेन्सको सेयर खरीदमा चाप बढाएका छन् ।
नेपाल लाईफले आर्थिक वर्ष २०७४/७५ मा २५ प्रतिशत बोनस र २३.५० प्रतिशत नगद गरि कूल ४८.५० प्रतिशत लाभांश वितरण गरेको थियो ।इन्स्योरेन्सको पछिल्लो बित्तिय बिवरणले लगानीकर्ता उत्साहित हुँदै सो कम्पनीको शेयर खरीदमा चाप बढाएका हुन् ।
म्पनीको पहिलो त्रैमासमा आएको वित्तीय विवरणमा नेपाल लाइफ चुक्तापूँजी, नाफा, बिमा शुल्क संकलन, रिर्जभ लगायतका शीर्षकमा अन्य बीमा कम्पनीको तुलनामा निकै अव्वल देखिएपछि राम्रो लाभाँशको आशमा नेपाललाईफको शेयरमा लगानीकर्ता झुम्मिएका हुन ।
२०७६ मंसिर १८ गते प्रकाशित
वि.सं.२०७६ मंसिर १८ बुधवार १५:२४ मा प्रकाशित
