काठमाडौँ । एनएमबि बैंक सबैभन्दा धेरै लाभांश दिने बैंकमा स्थापित भएको छ । बैंकले गत आर्थिक वर्षको नाफाबाट बैंकले आफ्ना लगानीकर्तालाई ३५ प्रतिशत लाभांश दिने घोषणा गरेको हो ।
जसमध्ये २१ प्रतिशत बोनस सेयर र १४ प्रतिशत नगद लाभांश दिएको छ । यस्तै नविल बैंक धेरै लाभांश दिने बैंकको दोस्रो सूचीमा रहेको छ । बैंकले १२ प्रतिशत बोनस सेयर र २२ प्रतिशत नगद लाभांश गरी कुल ३४ प्रतिशत लाभांश दिएको छ ।
बढी लाभांश दिने बैंकमा सिद्धार्थ पनि परेको छ । बैकले बोनस सेयर १० प्रतिशत छ भने नगद लाभांश १५.२६ प्रतिशत गरी कुल २५.२६ प्रतिशत लाभांश दिएको छ ।
यस्तै ग्लोबल आइएमई बैंकले १२.७५ प्रतिशत बोनस सेयर र १२.७५ प्रतिशत नै नगद लाभांशसहित २५.५० प्रतिशत लाभांश दिएको छ ।
कृषि विकास बैंकले ६ प्रतिशत बोनस सेयर र २४ प्रतिशत नगद लाभांश दिने निर्णय गरेको छ । एभरेष्ट बैंकले ५ प्रतिशत बोनस सेयर र २० प्रतिशत नगद लाभांश सहित २५ प्रतिशत लाभांश दिएको छ भने नेपाल बैंकले १५ प्रतिशत बोनस सेयर र १० प्रतिशत नगदसहित २५ प्रतिशत लाभांश घोषणा गरेको छ ।
केही बैंकहरुले लगानीकर्तालाई बोनस नदिइ नगद लाभांशमा मात्रै दिने गरेका छन । बोनस नदिने बैंकमा सिभिल, मेगा र स्टयान्र्डड चार्टर्ड बैंक रहेका छन् ।
यसैगरी सिभिल बैंकले ६.५७ प्रतिशत, मेगाले ११.७५ प्रतिशत र स्टयान्र्डडले २२.५ प्रतिशत नगद लाभांश दिने भएका छन् । २५ वटा बैंकमा सबैभन्दा कम लाभांश दिने बैंकमा सिभिल बैंक रहेको छ ।
२०७६ मंसिर ३० गते प्रकाशित
वि.सं.२०७६ मंसिर ३० सोमवार १६:१७ मा प्रकाशित