काठमाडौं । शिक्षा, विज्ञान तथा प्रविधि मन्त्रालयले स्थानीय तहलाई करार शिक्षक नियुक्ति गर्न बाटो खोलिदिएको छ ।
मन्त्रालयले मंगलबार सूचना जारी गरी जिल्लाभित्रका रिक्त शिक्षक दरबन्दीमा सरुवा वा करारमा शिक्षक नियुक्ति गरी पदपूर्ति गर्न फुकुवा गरेको हो ।
यसअघि मन्त्रालयले गत कात्तिक २४ गते शिक्षकहरूको स्थायी नियुक्ति तथा पदस्थापना र दरबन्दी मिलानको कार्य सम्पन्न नभएसम्मका लागि शिक्षकहरूको सरुवा तथा करारमा शिक्षक नियुक्ति नगर्न स्थानीय तहलाई निर्देशन दिएको थियो ।
स्थानीय तहगत दरबन्दी मन्त्रालयको गत मंसिर २५ गतेको निर्णयअनुसार सार्वजनिक भइसकेकाले उक्त विवरणअनुसार पुलमा दरबन्दी नभएका तहका रिक्त शिक्षक दरबन्दीमा सरुवा वा शिक्षा नियमावली २०५९ को नियम ९७ बमोजिम करारमा शिक्षक नियुक्ति गरी पदपूर्ति गर्न फकुवा गरेको जनाइएको छ ।
२०७६ पुस ०१ गते प्रकाशित
वि.सं.२०७६ पुस १ मंगलवार १६:०४ मा प्रकाशित