काठमाडौं । एनएमबी बैंकले बजार पुँजीकरणमा एभरेष्ट बैंकलाई उछिनेको छ । एनएमबी बजार पुँजीकरणको ५ औं स्थानमा छ । यस्तै एभरेष्ट बैंक छैठौं स्थानमा रहेको छ । यसअघि एभरेष्ट एनएमबी भन्दा माथि थियो ।
एनएमबीको बजार पुँजीकरण बढेर ४५ अर्ब ७३ करोड रुपैयाँ पुगेको छ । यस्तै एभरेष्टको ४५ अर्ब १९ करोड रुपैयाँ छ । स्ट्याडड चाटर्ड बैंकको ४३ अर्ब १० करोड रुपैयाँ बजार पुँजीकरण रहेको नेपाल स्टक एक्सचेन्ज (नेप्से) लिमिटेडले जनाएको छ ।
ओम डेभलपमेन्ट बैंकलाई समाहित गरेपछि एनएमबीको बजार पुँजीकरण बढेको हो । बजार पुँजीकरणका आधारमा सबैभन्दा बढी नेपाल टेलिकमको छ । टेलिकमको बजार पुँजीकरण घटेर ९७ अर्ब ६५ करोड रुपैयाँ छ ।
दोस्रो स्थानमा नविल बैंक रहेको छ । नविलको बजार पुँजीकरण ६७ अर्ब ४४ करोड, नेपाल इन्भेस्टमेन्ट बैंकको ५५ अर्ब २१ करोड र नेपाल लाइफ इन्स्योरेन्स कम्पनी लिमिटेडको ५० अर्ब २८ करोड रुपैयाँ बजार पुँजीकरण छ ।
यसैगरी हिमालयन बैंकको ४२ अर्ब ९४ करोड, एनआईसी एसिया बैंकको ४० अर्ब २३ करोड र कृषि विकास बैंकको ३७ अर्ब १४ करोड रुपैयाँ पुगेको नेप्सेले जनाएको छ ।
२०७६ पुस ०२ गते प्रकाशित
वि.सं.२०७६ पुस २ बुधवार १२:३४ मा प्रकाशित